◎台語唸謠

（一）

火星射焟在打鐵　
田園麻芛滿滿是
透早割來去菜市　
心情輕鬆趁工錢

（二）

厝邊麻芛種真贅　
山珍海味四處揣
也是麻芛合阮味　
閒來揀葉送大家
　

（三）

阿嬤食飯愛攪麻芛 
伊說：「麻芛飯尚退火　我攏多食一碗」
阿公擱加兩味　參蝦仔醯配鹹瓜
伊說：「阿甘做的蝦仔醯真香　阮足愛食」
阿甘媽媽過兩工著愛煮麻芛
為著想看兩老　食麻芛的時陣
自喙角浮出的綠色笑容

（四）

南屯好食是麻芛　滑溜續嘴帶苦味
田園厝腳種佮滿滿是
阿姆揀葉揉苦水　煮歸鼎請厝邊
大家食佮真歡喜

南屯好食是麻芛　魰仔魚蕃薯古料理
青葉黃花生作真雅氣
阿婆收籽顧鄉味　有菜股就有伊
大家來學種麻芛
　

（五）

細漢的時陣
連續三工　秘結
爸爸說　叫妳媽媽煮麻芛湯　喝落去就會好
阮拼命喝了三碗公
真的　順序擱好勢
今日喝著麻芛湯　看見爸爸的知足面容
阮為麻芛　惜情